CARACAS, VENEZUELA, AP.- E eks presidentenan Jose Luis Rodriguez Zapatero i Martin Torrijos a reuní djaluna ku kongresistanan opositor pa papia tokante realisashon di e referèndem revokatorio di e mandato di Nicolás Maduro i liberashon di dirigente i aktivistanan komo rekisito pa e diálogo ku gobièrnu kuminsá.
Un grupo di shete kongresista ku ta pertenesé na e partidonan opositor prinsipal a reuní den un hotèl na Caracas ku e spañó Rodriguez Zapatero i e panameño Torrijos, presidente di komishon di Polítika Eksterior di Asamblea Nashonal.
E enkuentro a tuma lugá un dia despues ku un reunion entre e polítiko spañó ku e kansier venezolano Delcy Rodriguez.
Sin ofresé mas detaye, Florido a indiká riba su kuenta di Twitter ku e reunion tabata kordial i klaiakòmbersáribae eksigensianan di koalishon opositor pa un diálogo ku ta inkluí realisashon di e referèndem i liberashon di e “prezunan polítiko”.
E koalishon di mesa di Unidat Demokrátiko a pidi inkorporashon di un representante di Vatikano i otro eks presidentenan komo mediadó den e proseso di diálogo promové desde luna di mei.
Maduro a rechasá a eksigensianan di oposishon i a deskartá ku e referèndem por tuma lugá e aña aki.
