KABUL, AP.- Presidente afgano, Ashraf Ghani a reuní ku asesor di seguridat nashonal merikano H. R. McMaster pa analisá maneranan pa intensifiká koperashon mutuo. Asina a wòrdu informá djadumingu.
Den un komunikado, a informá ku ámbos pais a papia di seguridat, medidanan antiterorista, kooperashon regional i desaroyo ekonómiko.
Ghani a bisa den e komunikado ku terorismo ta un menasa grave pa seguridat i stabilidat di e region i di mundu i ku si esaki no wòrdu derotá e ta afektá bida di mayoria futuro generashon.
Esaki ta e promé bishita di un funshonario merikano na Afganistan desde ku Merka a lansa un bòm no nuklear mas potente den e pais, djaweps. Esaki a kobra bida di 94 islamita.