CARACAS, AP.- Outoridatnan elektoral di Venezuela a aprobá e proposishon di presidente Nicolás Maduro pa eligí e miembronan di un asamblea Konstituyente enkargá ku redaktá un karta nobo, inisiativa ku opositor ta kategorisá komo inkonstitushonal.
Despues di kasi dos luna di protestanan intenso anti gubernamental kasi tur dia den kual a muri den kareda di 57 persona. Maduro a entregá na konseho nashonal elektoral e basenan pa efektuá e elekshonnan den kual lo eligí miembronan di asamblea ku e fin di ku CNE lo mustra di ta bon.
Oposishon a rechasá e proseder aki ya ku ta reklamá ku e realisashon di e elekshonnan general i ademas ta kalifiká di inkonstitushonal e konvokatorio di e Asamblea pa ignorá un referendum.
E proposishon di e mandatario ta inkluí dos nivel pa establesé e basenan; teritorial i sektoral, e último ei prosedente di sektornan estudiantil, laboral i empresarial, inkluyendo e representantenan di instansianan bisiña konosí komo komun i konsehonan komunal ku den nan mayoria ta forma parti di di e base di partido sosialista uní ku aktualmente ta forma e gobièrnu.
