LONDON, REINO UNI, AFP.- Polis a detené un hòmber sospechoso di ta armá, kende a aserká Palasio di Buckingham i tira algun kartucha di arma, segun indikashon di polis metropolitano di London.
E detenshon a tuma lugá 7 or di anochi i a sosodé algun dia promé ku koronashon di rei Charles III.
A sera e área despues ku a haña e hòmber ku un tas sospechoso, asina polis a añadí den un komunikado.
E elementonan ku e hòmber a tira a wòrdu rekuperá i a hiba nan pa un spesialista.
E hefe di polis metropolitano, Joseph McDonald a bisa ku polis a traha mesora pa detené e hòmber kende ta detené aktualmente.
Medionan di prensa britániko a bisa ku ni Rei Charles di 74 aña ni su kasá Reina Camilla di 75 aña tabata na e sitio.
