NEW YORK, AP.- A pasa algun aña ku abogado Roman Zelinchenko a stòp di traha den leinan di imigrashon pa e hasi karera den finansa i ainda mas tempu for di despues ku el a stòp di traha anochi.
Pero despues di ku presidente Donald Trump a emití su dekreto riba imigrashon, Zelinchenko a pasa 21 ora siguí kaminda el a bira un di e sentronan di asesoria di lei di imigrashon mas opservá di e nashon; un restorant di airopuerto internashonal di JF Kennedy kaminda abogadonan boluntario, traduktornan i otronan ta trata di haña i libra personanan detené bou di reglanan nobo.
Alerta pa amigunan di skol di lei Zelichenko a uni na e inisiativa pasobra e ta identifiká den e parti personal; el a bai Ukrania for di mucha bai biba.
“Nos tur tin konekshonnan personal diferente”, asina el a bisa miéntras e tabata traha. “Pero nos ta aki nan komo profeshonalnan i nos agènda ta pa defendé e imperio di e lei”.
Na airopuerto JFK kaminda abogadonan a yuda djasabra anochi pa haña e promé fayonan, e trabou sin interupshon a kuminsá ku abogadonan ta taip riba nan laptop riba flur abou. Awor nan ta sinta den un área ku mesa di kafetaria i studiantenan di lei ta traha duru huntu na e kasonan.
E boluntarionan ta haña yamada riba telefòn selular i tambe tin bòrchinan na vários idioma ku ta ofresé yudansa.
