Mester manda trahadónan stòp akshon i reanudá trabou
WILLEMSTAD.-Korte den promé instansia a dikta sentensia den e kaso ku gobièrnu, lesa minister Javier Silvania a entamá kontra sindikato ABVO i trahadónan di Ontvanger ku no ta trahando na WTC. Manera ta konosí e trahadónan a bai sede di ABVO despues di tuma nota ku tin schimmel den e lugá unda nan ta traha.
Dwangsom di Fl 2500 pa kada dia ku no kumpli
Korte a trata e kaso ayera djaluna den un huisio sumario i awe tin un veredikto. E veredikto ta indiká ku sindikato ABVO mester ordená tur esnan den wèlga pa reanudá nan trabou dentro di 24 ora despues di e veredikto aki. Via radio i televishon mester hasi e anunsio pa stòp tur akshon i pa no wèlga atrobe.
Ta mara esaki na un dwangsom di Fl 2500.- pa kada dia òf parti di dia ku keda sin kumpli ku e desishon aki te un maksimo di Fl 10.000.-
ABVO mester paga e gastunan di e proseso den korte i tambe gastunan di Griffier i otro gastunan. Mas detaye den edishon di EXTRA. E veredikto ta drenta na vigor mesora.
Punto pa minister