WILLEMSTAD.-Relashoná ku e veredikto ku a sali djis un ratu pasa, den kua korte ta ordená sindikato ABVO pa manda trahadónan di Ontvanger pa reanudá trabou i no sigui ku mas wèlga, EXTRA a puntra e minister ku a inisiá e proseso aki, minister di finansa sr. Silvania, pa un promé reakshon.
Riba esaki e titular a bisa: ‘Mi ta spera ku e sentensia ta un lès pa ABVO. ABVO ta un sindikato ku no ta yuda solushoná problema. Den e tres añanan ku mi ta minister ABVO no tabata tin ningun logro pa ámtenar. Hasta indexering ta logro di minfin. A bira tempu pa un generashon nobo haña oportunidad pa dirigí e sindikato.”
