LARISA, GRESIA, AFP.- E promé minister griego Kyriakos Mitsotakis a bisa djárason ku “eror humano” tabata e kousa pa un dalmentu di trein ku a laga por lo ménos 38 morto den e pais.
E aksidente teribel di trein aki no tin presedente na Gresia i ta bou di investigashon, asina el a añadí.
E dalmentu entre un trein di pasahero ku tabata biahe entre Atenas i Tesalonika i un konvoi di merkansia a sosodé djamars anochi den siudat di Larisa den sentro di e pais.
E aksidente a laga por lo ménos 38 moro i 57 persona ainda ta hospitalisá, seis di nan ta den kuido intensivo segun un konteo nobo di bomberonan. Ainda tin vários persona pèrdí.
Outoridatnan a dekretá un duelo nashonal di tres dia.
E hefe di e stashon di Larisa di 59 aña a keda detené vários ora despues di e aksidente i e ta akusá ku asesinato pa negligensia. Esaki pa motibu ku e defisiensianan di seguridat di e liña di riel ku ta uni e dos prinsipalnan tabata konosí ya pa vários aña.
