CARACAS, VENEZUELA, AFP.- E dirigente opositor venezolano Henrique Capriles a inisiá su terser intento di presidensia, despues ku el a haña respaldo di su partido pa partisipá den elekshon kontra su rival, presidente Nicolás Maduro na aña 2024.
Capriles, kende a enfrentá e èks presidente ku a fayesé Hugo Chavez na 2012 i un aña despues Maduro, tin prohibishon pa ehersé funshonnan polítiko, un tema riba e agènda lento di proseso di negosiashon entre gobièrnu i oposishon na Mexico.
Capriles a gana un votamentu interno di e organisashon, kontra dos dirigente mas, i e lo bira e kandidato den elekshonnan di 22 di òktober.
E dirigente di 50 aña no a duna un deklarashon riba e tema.
E prohibishon pa ehersé funshonnan polítiko a keda imponé na aña 2017 durante 15 aña largu pa “iregularidatnan atministrativo” durante su funshon komo gobernador di estado di Miranda, bisiña di Caracas, entre 2008 i 2017.
E agènda polítiko, ku ta inkluí kondishonnan elektoral i prohibishonnan pa ehersé funshonnan polítiko, ainda no a keda atendé den e diálogo na Mexico, paralisá desde novèmber.
