WILLEMSTAD.- 3 persona a resultá heridá durante di un aksidente fuerte ku a tuma lugá riba Schottegatweg West krusada ku Heintje Kool.
For di loke por a komprondé na e sitio, shofùr di un a bai sali for di Heintje Kool pa asina subi kaminda sin tuma nota ku tabatin shofùr di un otro vehíkulo aserkando. Konsekuentemente a surgi un choke fuerte entre e dos vehíkulonan envolví. Un di e vehíkulonan a dal den un palu di lus miéntras ku e otro a bai para algun meter leu. Tim di reskate di brantwer mester a presentá na e sitio pa asina kòrta un di e vehíkulonan i saka e shofùr ku a keda pegá aden.
Despues ku yudansa di dos ambulans a transportá tres víktima pa departamentu di emergensia di CMC pa tratamentu médiko avansá.
