BEIRUT, AP.- E koalishon enkabesá pa Merka na Siria a mata mas di 1.600 sivil den e siudat na nort di Raqqa durante vários luna di bombardeo pa liber’é di e grupo terorista Estado Islámiko, segun indikashon di Amnistia Internashonal i un otro grupo aktivista ku sede na London.
E total ta resultado “di e investigashon mas amplio di morto sivil den un konflikto moderno”, segun indikashon di Amnistia Internashonal i Airwars.
Un total di 1.257 sivil a muri den atakenan aéreo kontra EI durante kuater aña na Siria i Irak, segun indikashon di e koalishon enkabesá pa Merka luna pasá.
Raqqa tabata e kapital kaminda EI a ‘establesé’ su kalifato. Luna pasá, EI a pèrdè su último bastion den parti oriente di Siria, markando fin na e kalifato aki.
E kombatientenan respaldá pa Merka a logra kapturá Raqqa den òktober 2017 despues di un kampaña di kuater luna.
Nashon Uní ta kalkulá ku mas di 10.000 edifisio, 80% di siudat, a wòrdu destruí.
