NEW YORK (AP).- Un alto ofisial di Kim Jong Un lo hasi un bishita poko straño ei pa Washington awe pa e entregá un karta dje lider norkoreano na Presidente Donald Trump. Asina Sekretario di Estado Mike Pompeo a duna di konosé papiando di “bon progreso” den e kòmbersashonnan ku tin pendiente entre e dos partinan pa rebibá e esfuersonan pa un reunion kumbre riba asuntunan nuklear. “Mi tin konfiansa ku nos a moviendo den e direkshon korekto”, asina Pompeo a bisa reporteronan durante un konferensia di prensa na New York despues di a reuní djaweps ku e hefe di inteligensia militar norkoreano, Kim Yong Chol.
E dos paisnan ta konfrontando un momentu esensial den e relashonnan, i lo ta nada ménos ku trágiko pa laga e oportunidat aki bai, asina el a bisa. E no kier a bisa si e kumbre ta definitivo i ku e lo bai Singapore dia 12 di yüni i tampoko si e desishon ei lo ser tumá despues ku Trump lesa a karta di Kim Jong Un. Sinembargo su komentarionan tabata e kos mas positivo ku por a tende di un ofisial Merikano for di dia ku direpente Trump a kanselá e enkuentro siman pasá a base di deklarashonnan ku e no a gusta di Norkorea.
