TOKIO, AP.- Por lo ménos 19 persona a muri i 20 mas a resultá heridá durante un atake ku kuchú den un sentro pa personanan hèndikèp den un siudat serka di Tokyo. Esaki ta e matansa mas grave den generashonnan na Hapon.
Polis a akudí e sitio despues di a risibí un yamada 2:30’or di mardugá kaminda un empleado a avisá ku un situashon horibel ta tumando lugá na e sitio.
Segun e informashon, polis a detené un hòmber arma ku un kuchú despues ku el a entregá. E hòmber a entregá na stashon di polis dos ora despues.
NHK a bisa ku e detenido di 26 aña, tabata empleado di e sitio.
Imágennan di televishon a mustra vários ambulans stashoná pafó di e lugá, i personal di emergensia koriendo paden pa pafó i di pafó pa paden.
Polis no a duna un sifra ofisial di e víktimanan.
