WILLEMSTAD – Awe den oranan tempran di mainta outoridatnan mester a bai na un kas na Janthiel pa mas spesífiko den Kaya Egeo unda un atrako brutal lo mester a tuma lugá. Na yegada na e sitio polis a bin tuma nota di e hòmber víktima benta abou den un plas di sanger. Mesora a yama ambulans pa bin duna asistensia i pa transportá e víktima pa CMC pa mas tratamentu. Segun informashon preliminar e atrakadornan a drenta den e kas i pidi pa sèn. Esaki a bai kompaña ku maltrato severo. E víktima na dado momentu a logra kore bai pero a bin kolèps i keda benta abou. E Tim di Atrako tambe a yega na e sitio pa hasi e investigashonnan.
