BOGOTA, AP.- Un avion militar ku dos tripulante na bordo a disparsé djarason atardi den sùitwèst di e pais, asina Forsa Aéreo a informá.
E supkomandante di forsa, general Falvio Ulloa, a bisa via telefon ku e avion Super Tucano ku a disparsé, “tabata un parti di vigilansia di seguridat di e zona di (departamentu) di Cauca”.
“ Te ainda esaki ta desaparesé; nos ta hasiendo tur e búskeda i apénas nos haña informashon nos lo publiká esaki”, asina el a agregá.
Ulloa a bisa ku e no tin informashon si e aeronave a aksidenta òf a keda deribá pa guerieronan di FARC, ku ya pa basta dia ya konfrontando ku ehérsito i polis di Cauca.
E Super Tucano, segun e ofisial a presisa, ta desaparesé for di 15.15 ora lokal i ta besig ta wòrdu buska pa avion i helikòpternan di forsa aéreo.