SANTO DOMINGO, REPUBLIKA DOMINIKANA, AP.- Un avioneta ku a sali di Haiti ku tres pasahero na bordo a kai den laman na kosta nort di Repúblika Dominikana, asina outoridatnan dominikano a bisa djamars. Den e pasaheronan tabatin un pareha ku siudadania merikano i kanades, di akuerdo ku e Hunta di Aviashon Sivil di Repúblika Dominikana. Nan nòmber no a keda divulgá. E avioneta a sali di Port of Prince djaluna i tabata dirigí su mes pa Puerto Plata, na kosta di Repúblika Dominikana, asina el nan a informá djamars den un komunikado. Forsa Aéreo Dominikana a haña restunan di e avioneta i tabata buska sobrebibientenan.
E avioneta di un solo motor Lake LA-250 aparentemente a pèrdè kontakto ku toren di kontrol poko despues di seis’or di atardi, ora ku e tabata seis kilometer di Puerto Plata. Kousa di e aksidente ta deskonosí.
