DACA, BANGLADESH, AP.- Responsabelnan di seguridat di Bangladesh tabata buska evidensia i e serebronan ku por tabata tras di e krísis di rehen sangriento ku a laga 28 morto, inkluyendo seis agresor i 20 di e personanan detené. Esaki a pasa den e bario diplomátiko di e kapital, Daca.
Polis ta blòkia akseso den e kayanan pa Holey Artisan Bakery, den e zona di Gulshan, kaminda atakantenan fuertemente arma a sali pa torturá i mata algun di nan koutivonan. Entre nan tabatin nuebe italiano, shete hapones, tres lokal i un adolesente indio.
Mayoria detaye di e atake ainda no ta kla, despues ku agentenan a drenta den un restorant i reskatá 13 persona. Pero polis a publiká potrètnan di kadaver di sinku atakante, ademas di nan nòmber.
Ounke polis a bisa ku ta investigando vínkulo di e agresornan ku e grupo estado Islámiko, e minister di asuntunan interior a rechasá e posibilidat ku e ekstremistanan islámiko no tin presensia den e pais.
Den pasado el a bisa ku kualkier ku tuma responsabilidat di aktonan di violensia den e pais sur asiátiko, ta simplemente intentonan oportunista di yama atenshon na mundu.
“Tur e atakantenan ta di Bangladesh.
Nan ta bini d i famianan riku i tin un bon edukashon”, segun e minister di asuntunan Interior, Asaduzzaman Khan.
This function has been disabled for èxtra.