BRASILIA, BRASIL, AFP.- E presidente brasilero, Jair Bolsonaro, a prohibí dos artíkulo tokante e lei di uso di masker den públiko pa kontené propagashon di COVID-19.
E mandatario a suprimí e rekerimentu pa tur negoshi proveé informashon tokante uso di masker, segun e vershon nobo di e norma publiká den Diario Ofisial di Union (DOU).
Bolsonaro a prohibí e artíkulonan di lei aprobá pa Kongreso, kual ta eksihí uso di masker den tur negoshi, fábrika i iglesia. Pero djaluna e presidente a amplia su prohibishon, rechasando un artíkulo mas ku ta dekretá ku tur “individual mester usa masker den establesimentunan di prizòn”.
Segun e gobièrnu, ta keda na kada estado òf munisipio si nan ta adoptá e medidanan preventivo pa kada sektor.
Vários estado a dekretá uso obligatorio di masker ya pa algun siman kaba pa kombatí propagashon di COVID-19 kual a provoká 65.000 morto den Brasil.
Bolsonaro a minimisá e enfermedat desde komienso di e pandemia i a partisipá den vários evento públiko sin usa masker. Ademas, el a kritiká e medidanan di ‘lockdown’ implementá durante mas di tres luna den vários estado.
