LONDON, REINO UNI, AFP.- E promé minister Boris Johnson lo uni e ekipo ku ta negoshá ku Union Europeo, den un intento kaba ku e stankamentu di e kombersashonnan pa promé ku fin di yüni, segun indikashon di e gobièrnu britániko.
E terser ròndu di kombersashon a kaba na fin di mei ku desakuerdo riba vários punto klave. Despues di un aña di káos polítiko, desakuerdo i aplasamentu, Reino Uní a sali for di Union Europeo ofisialmente riba 31 di yanüari. Esaki a wòrdu lográ for ku Johnson a haña mayoria voto den legislashon den desèmber.
Desde e temporada aki e pais a drenta den un periodo di transishon, kaminda ta kumpliendo ku mayoria norma europeo miéntras ta negoshá un akuerdo di komersio liber ku Bruselas. E akuerdo aki lo determiná e futuro relashon komersial.
