TORONTO, AP.- Canada ta studiando e posibilidat di negoshá un akuerdo di komersio liber ku China. e di dos sosio komersial mas grandi, asina promé minister kanades Justin Trudeau a bisa.
Trudeau a hasi e anunsio den un konferensia di prensa ku promé minister chines Li Keqiang na Ottawa. El a añadí ku banda di esaki, e dos paisnan ta studia tambe un tratado di ekstradishon. E kanades a bishitá China algun dia pasá. Li a bisa ku e dos bishitanan tras di otro ta demostrá kon e relashon di China i Canada ta drentando etapa nobo.
Trudeau a ekspresá speransa di ku e komersio entre e dos paisnan lo bira dòbel na 2025. “Nos relashon komersial ta kontené un potensial enorme ku ainda nos no a eksplorá”, asina e hefe di gobièrnu kanades a bisa.
