BEIJING, AP.- China a oumentá impuestonan na importashonnan di 3.000 mion dòler riba karni di porko, fruta i otro produktonan merikano den un disputa di impuesto ku presidente Donald Trump a implementá miéntras kompanianan ta atvertí ku e kontroversia por deprimí e komersio global.
E Minister di Finansa a bisa ku a adoptá e medida debí ku Merka a oumentá impuesto riba importashon di heru i aluminio desde 23 di mart. Sinembargo. E asuntu por kousa un problema mas grandi debí ku Trump a aprobá un posibel oumento na impuestonan apliká na importashonnan chines di 50.000 mion dòler den un otro disputa relashoná ku polítikanan teknológiko.
E konflikto di impuesto aki ta solamente un aspekto di un gama amplio di tenshon entre Washington i Beijing ku ta kousa e superavit komersial pa míles di miónes di dòler ku China tin ku Merka oi e polítikonan asiátiko gigante riba teknologia, desaroyo industrial i akseso na su ekonomia predominantemente estatal.
Ekspertonan ta sigurá ku e konsekuensianan inmediato lo wòrdu limitá, pero e ta un preokupashon pa e invershonistanan ku e rekuperashon global por enkontrá un retroseso di otro gobièrnunan tambe lanta bareranan na importashon.
