SAN FRANCISCO, AP. – Hillary Clinton ta komprometé na defendé e merikanonan ku segun e kandidata demókrata pa presidensia, ku nan keda ataká pa su rival, e republikano Donald Trump, i a bisa na e donantenan den un akto pa rekoudashon di fondo ku un tono negativo di e kampaña ku algun por rekurí na Internet pa mira videonan grasioso di pushi. Sin menshoná e akusashonnan di akoso seksual kontra di Trump, Clinton a bisa djaweps “ta sigui aparesé historianan di inkietut” riba dje. Pero e demókrata a ofresé pa disminuí e insultonan kontra migrantenan, hende koló skur, latinonan, musulmannan i deskapasitá nan. “No tin kasi ningun parti di Estádos Unídos ku e no a ataká. Esaki ta duna bu gana di paga notisiero. Ta duna bu gana di desaktivá e Internet i simplemente keda wak “GIFs de gatos””, asina Clinton a bisa provokando un harimentu. “Kere mi, mi ta komprond’é. Den e último simannan ma mira hopi pushi hasiendo kosnan straño i interesante. Pero mi tin un trabou di hasi i lo ta bon pa personanan i pa e animalnan aki en kuestion”. Clinton a ofresé su komentarionan mas amplio riba e denunsiánan di abuso seksual kontra di Trump dia despues di e emishon di un video kaminda bo ta tend’é presumí riba sunchi muhénan i mishi ku nan sin nan pèrmit. Ademas el a referí na e reportenan ku e ekipo di Trump por trata na empleá infidelidat di su kasá Bill Clinton den pasado den su kontra.
“Su ekipo ta primintí mas atake. Pero esei ta dependé di Trump mes. E por kuestioná su kampaña manera e ke. I sinseramente no ta importá mi si e ataká mi. Mi ta prepará. Pero lo mi defendé i lo mi duna kara na kualke otro persona o grupo” asina Clinton a bisa. Clinton a sigui bisa na e votantenan pa nan no bèk patras ante e tono negativo di e kampaña.
