BOGOTA, AP.- Colombia a kombertí den un muestra públiko di sosten na Venezuela. Un terser seshon di Comisión Accidenal de Seguimiento a la Declaracion de Cucuta por Venezuela a ranka sali djárason na e sede di Kongreso kolombiano na Bogotá. Esaki a kontra ku partisipashon di diferente representante latinoamerikano i mas di 20 diputado venezolano aliado di e lider opositor Juan Guaidó. E grupo a krea e ophetivo pa defendé derechi di e migrantenan venezolano ku a bandoná e pais komo konsekuensia di e krísis polítiko i ekonómiko. Ademas, e pais kolombiano kier “restourá” demokrasia den e pais.
Cucuta ta un siudat klave pa ámbos pais dor ku e ta un punto na frontera ku ta atraé atenshon internashonal den febrüari último, temporada ku miembronan di oposishon venezolano i lidernan di otro paisnan latinoamerikano a uni pa purba entregá yudansa humanitario na e pais venezolano, apesar di presidente Nicolás Maduro su prohibishon pa aseptá esaki, kual a generá tenshon na tur dos banda di frontera.
E seshon di djárason a enfoká riba problemanan di salú ku e venezolanonan ta enfrentá dor di bandoná nan patria i establesé nan mes den otro paisnan manera Colombia. Esaki ta e pais ku a risibí 1,4 mion migrante venezolano segun presidente kolombiano Ivan Duque, e kantidat mas haltu di venezolano den e region.
Aparte di e partisipashon di polítikonan kolombiano i venezolano, tabatin representantenan di Chile, Ecuador, Peru, Paraguay i diplomátikonan di Argentina, Costa Rica i Israel entre otro.
