WASHINGTON (AP).- “Klokkenluider” òf traidor, lèkdó di informashon òf héroe? E kontratante di e Agensia Nashonal di Seguridat (NSA), Edward Snowden, a basha abou sinku aña pasá riba e métodonan di vigilansia di parti di gobièrnu merikano, pero e hefenan di inteligensia ta reklamando ku e revelashonnan ku el a hasi di dokumentonan sekreto ketu bai ta sigui sali den publisidat. I esei ta inkluí relatonan resien riba un programa di vigilansia masal manehá dor di Japon ku ta un aliado di Merka i kon NSA mester a monitòr usuarionan di ‘bitcoin’ pa asina kompilá informashon di inteligensia pa usa den kontra-terorismo, narkótiko i labamentu di plaka. I e historianan aki publiká dor di The Intercept ku ta un publikashon investigativo ku tin akseso na e dokumentonan di Snowden.
Un tòp ofisial den kontra-inteligensia a bisa ku reporteronan solamente a publiká alrededor di 1 porshento di informashonnan ku Snowden di 34 aña di edat a saka. Aktualmente e ta bibando den asilo na Rusia, pues merikanonan no ta kere ku e asuntu aki lo terminá pa aworakí.
