SALONICA, GRESIA, AP.- Un luna despues di krusa un riu friu di frontera entre Gresia i Turkia den un boto prekario di rùber yená ku hende e refugiado sirio Mohammad al Jarad a subi un avioneta privá ku mester a hib’é desde e isla griego chikitu aki pa Fransia.
E kambio di medionan di transporte ta reflehá un strategia nobo di e trafikantenan di migrante, kual ta eksplorando medidanan ku ta fasilitá e traslado den Europa pa saka migrantenan ku plaka di Gresia, kende tin biaha por usa pasportnan falsu.
Outoridat griego a bisa aña pasá ku 1.672 migrante a wòrdu gará purbando di sali di e pais ku avion usando dokumentonan falsu rònt mundu, mayoria di nan falsifiká den Gresia. Esaki ta representá un oumento enorme pa 2016 i ta asina grave ku e alemannan a ordená pa revisá tur papel di tur persona ku ta yega Gresia detayadamente.
Polis griego a intensifiká kontròlnan di dokumentashon den aeropuertonan lokal i a manda personal pa Alemania pa asina yuda e agentenan lokal.
E trafikantenan a probechá di e echo ku e personanan ku pasport europeo no ta wòrdu someté na kontròl asina estrikto den e 26 paisnan di “Área di Schengen”. Gresia ta pertenesé na e zona aki, pero no tin frontera ku otro nashonnan di e área.
