SIUDAT HIDALGO, MEXICO, AP.- Diferente sentroamerikano a krusa riu Suchiate di Guatemala pa yega México. Esaki ta un reto pa e strategia migratorio di presidente Donald Trump pa mantené e migrantenan leu di e frontera merikano.
E migrantenan a baha di e brùg na frontera i a dirigí rumbo pa e riu despues ku funshonarionan mehikano a informá ku nan no por krusa via e pais.
Agentenan polisial a purba detené e migrantenan ku a purba krusa. E migrantenan a tira e agentenan ku piedra.
“E presidente di México a bisa ku e lo duna nos trabou, un oportunidat, pero mira awor”, asina un komersiante hondureño a bisa, kende a laga su seis yunan na Honduras.
Ounke e gobièrnu mehikano a bisa ku e migrantenan ta liber pa pidi asilo den e pais, den práktika, e migrantenan no a haña e oportunidat aki.
