Un hende so, pa kada kas di famia, por sali 2x pa siman!
SJANGHAI.-Un informe urgente for di China ta indiká ku vários siudat grandi na China a bai den ‘lockdown’ debí na un oumentu drástiko di e sifra di kontagio. E siudat Sjanghai ya kaba a sera skolnan, miéntras ku na Changchun hendenan por sali kas únikamente pa kumpra kuminda i otro nesesidatnan básiko.
E informashon ku agensianan di notisia internashonal ta manehá ta indiká ku ya kaba a implementá medidanan estrikto den e esfuerso pa kontrolá mas kontagio. Tur kos ta mustra den direkshon di un ola nobo di Corona vírus.
Den e siudat Shenzhen a paralisá transporte públiko kompletamente miéntras ku abitantenan no por bandoná e siudat. Manera indiká na Changchun tin medidanan estrikto i un di e medidanan aki ta ku ta solamente un persona di kada kas por Sali kas kada dos dia pa kumpra kuminda. Ademas tur hende ta obligá pa traha for di kas, ku eksepshon di profeshonnan den kuido i otronan manera polis i brantwer. Ta test abitantenan konstantemente riba e vírus. Te ku algun dia pasá tabata registrá algun shen kaso di kontagio pa dia, pero esei no ta nada alarmante pa siudatnan ku tin riba 9 mion habitante.
