DAMASCUS, SIRIA, AFP.- Dos sivil sirio a muri djamars den un atake aéreo israelí, segun indikashon di medionan estatal. Esaki ta e di kuater akshon di su sorto den e pais árabe en ménos ku un siman.
E proyektilnan a sali di Golan Heights, dirigí na algun punto alrededor di Damascus i e region na sùit, segun indikashon di e agensia.
Israel a tira vários misil riba áreanan militar kontrolá pa gruponan respaldá pa Iran i e defensa aéreo di e régimen, segun indikashon di Opservatorio Sirio di Derecho Humano, un ONG britániko ku un ret amplio di fuente den e pais.
Su direktor, Rami Abdel Rahman a bisa ku “un kantidat deskonosí di kombatientenan respaldá pa Iran tambe a muri den e atake.
Desde komienso di e guera sivil na Siria den 2011, Israel a realisá sentenáres di atake den e pais i a reiterá ku lo no permití pa Iran ekstendé su influensia den e region.
