WASHINGTON, AP.- E notisianan mas resien di e proseso elektoral di Merka ta bisa ku e eks sekretario di estado Colon Powell a bisa di lo vota pa Hillary Clinton i no pa Donald Trump. E general di ehérsito retirá i republikano a anunsiá esaki den un reunion di e asosashon komersial di Long Island.
Ta trata di un seri di eks funshonario di gobièrnu di presidente George W Bush ku ta rechasá e kandidato nominá pa su partido. Powel a involukrá resientemente den un disputa ku Clinton indikando ku e lo ta esun ku lo a konseh’é pa usa un server di email priva komo sekretario di estado.
Donald Trump d i otro banda a elogiá e veteranonan di intento di invashon di Cuba pa medio di Bahia di Cochinos ku a sosedé na 1961. El a bishita e museo di Bahia di Cochinos na Miami ayera i a keda sostené pa e asosashon di veteranonan di e bahia.
Na e okashon aki el a kritiká presidente Barack Obama pa a restablesé e relashonnan diplomátiko ku Cuba ounke e no a presentá su propio polítika pa e isla ei.
Ta e di dos biaha na Florida ku Trump durante di un evento ta trata ta atraé e apoyo di kubano merikanonan ku tin di vota pa e republikano..
