NEW YORK, AP.- Un ingeniero di software ku tabata traha pa Google a wòrdu deskubrí morto na sede di e kompania den siudat di New York, segun informashon di outoridat djasabra.
Scott Krulcik, di 22 aña, a wòrdu deskubrí inkonsiente riba e di seis piso di e ofisinanan di e kompania alrededor di 9 or di djabièrnè anochi. El a wòrdu deklará morto pa paramédikonan di Servisio Médiko di Emergensia.
Polis a indiká ku e kadaver no a presentá señal di violensia i no tin motibu pa sospechá ku e morto di Krulcik a wòrdu provoká pa otronan. E ofisina di médiko forense di e siudat lo determiná e kousa di morto.
E representantenan di Google no a komentá al respekto.
