BARCELONA, AP.- Míles di empleado públiko katalan a suma e protestanan di studiante i profeshonalnan di sali pa eksigí un mihó kondishon laboral i mas finansiamentu.
Mas o ménos 8.000 persona a partisipá den e marcha desde sentro di Barcelona te na sede di e Parlamento regional, segun indikashon di polis di e siudat. Debí na e wèlga mayoria servisio públiko a wòrdu paralisá na Barcelona. Tantu skolnan komo universidatnan tabata bashí.
Sindikato i asosiashonnan di studiante ta denunsiá ku e medidanan di ousteridat implementá debí na e krísis finansiero di 2008 no a wòrdu revoká apesar di sinku aña konsekutivo di kresementu ekonómiko. E gobièrnu regional ta atribuí e eliminashonnan na e falta di finansiamentu di parti di outoridat na Madrid.
Un protesta similar a terminá den konfrontashonnan ku polis.
