ISTANBUL, AP.- Presidente di Turkia Recep Tayyip Erdogan a kondená medidanan di seguridat ku Israel a tuma djadumingu pa ku un sitio religioso di Herusalèm. El a afirmá ku e mundu islámiko no por keda ketu.
“Niun hende no por pensa ku e mundu islámiko lo keda ketu despues di e humiashon ku esaki a sufri pa musulmannan di Noble Santario”, segun Erdogan a bisa na periodistanan na Istanbul promé ku el a Sali den un gira pa Saudi Arabia, Kuwait i Quatar.
Israel a pone detektornan di metal na un lugá islámiko di Herusalèm despues di un atake kaminda árabenan a mata dos polis israelí. E palestinonan ta konsiderá ku e detektornan di metal ta violá nan derechonan.
Erdogan a pidi Israel pa saka e detektornan di metal, despues di papia na telefòn ku presidente israelí Reuven Rivlin djaweps.
