BEIRUT, AP.- E grupo ekstremista Estado Islámiko a menasá ku e grupo por start un kampaña di atake kontra Israel i a kritiká e intenshon di Merka pa lansa un plan pa resolvé e konflikto palestino israelí.
E kanal mediátiko di Estado Islámiko, e bosero di e grupo Abu hamza al-Qurayshi a pidi su militantenan pa ataká Israel.
E video di 37 minüt largu a surgi despues di morto di su lider fundadó Abu Bakr al-Baghdadi durante un atake merikano na nort di Siria. Estado Islámiko a pèrdè e último bastion ku el a sobra di e “kalifato” kual e grupo kier a establesé den vários parti di Irak i Siria. e grupo a designá su susesor Abu Ibrahim al-Hashimi al-Qurayshi den òktober, despues di al-Baghdadi su morto.
E grupo a agregá ku “tur sòldat di e kalifato”, spesialmente den e península di Sinai na Egipto mester ataka e hudiunan.