SAN JUAN, AP.- Den e tres lunanan despues di orkan Maria na Puerto Rico, e isla a registrá mas morto ku normal debí na gan parti di problemanan ku e pueblo tabatin pa haña remedi òf atenshon médiko, segun indikashon di un estudio nobo djamars.
E investigadónan a analisá un muestra chikitu di bisindarionan i desde esaki nan a kalkulá ku 4.600 morto mas di loke ta normal, un kantidat muchu mas haltu ku loke estudionan anterior a indiká.
E investigashon a wòrdu publiká den e vershon elektróniko di e revista New England, Journal òf Medicine. Esaki ta e estudio mas resien ku ta analisá kuantu persona a muri durante òf despues di e orkan d kategoria 4 ku a asotá e isla den sèptèmber na aña 2017 i a kousa un daño kalkulá na mas di 100.000 mion dòler.
Maria a okashoná e blackout mas grandi den historia di Merka i a laga e isla karibense kompleto sin koriente, inkluyendo hospital i asilonan. E investigadónan a analisá 3.299 kas na komienso di aña i a eksplorá e deskubrimentunan riba e isla kompleto, kual su poblashon ta konstituí di 3,3 mion habitante.
