LA PAZ, BOLIVIA, AP.- Evo Morales a yega México, un dia despues ku e gobièrnu a aprobá su petishon di asilo, na momentu ku el a renunsiá komo presidente na Bolivia.
“E presidente di México a salba mi bida”. Esaki ta algun di e promé palabranan ku Evo Morales a hiba despues ku el a yega e kapital mehikano. México a dun’é asilo polítiko despues di su renunsia di djadumingu, meimei di preshon di ehérsito i algun siman di protesta den su kontra. E ta akusá di gana elekshon ku práktikanan froudulento den elekshon di 20 òktober.
E kansier mehikano Marcelo Ebrad a risibié na trapi di e avion ku a yega México via Paraguay. E gobièrnu di México a bisa ku ta konsedé e indígena asilo dor ku su bida tabata na peliger.
