BUENOS AIRES, ARGENTINA, AFP.- Presidente di Argentina, Alberto Fernandez, a inougurá su ministernan lansando un gobièrnu nobo pa salba su koalishon peronista sentro iskierdista.
E akto a tuma lugá na sede di gobièrnu, kaminda a nombra e hefe di gabinete i e ministernan di Agrikultura, Seguridat, Edukashon i di Siensia i Teknologia.
E resultado atverso di elekshon riba 12 di sèptèmber a kousa un krísis sin presedente den e koalishon di Gobièrnu Frente de Todos. E partido a haña solamente 31% di tur voto.
Gobièrnu di Fernandez kier konkistá simpatia di pueblo ku un pakete di medidanan ekonómiko, pero e reto di mas grandi a pa dominá inflashon, kual ta 32,3% aktualmente.
Si e mesun resultado ripití den elekshon di 14 novèmber, gobièrnu lo pèrdè mayoria ofisialista den Senado i pèrdè kontrol di Kámara di Diputado. Ainda falta 2 aña pa Fernandez baha.
