LOS ANGELES, MERKA, AFP.- Un empleado di skol a yega trabou ku su ‘blackface’ bisando ku esaki ta simbolisá Rosa Parks, durante un protesta kontra medidanan di vakuna di COVID-19 den Merka, segun indikashon di medionan lokal.
E asistente a bisa su koleganan ku e ke simbolisá e aktivista koló skur Rosa Parks, pa mustra su oposishon kontra reglanan ku ta hasi vakunashon obligatorio pa tur empleado di skol, segun indikashon di korant Oregon Graphic.
Pefferle a bisa ku el a usa iodium pa hasi su kara skur pa simbolisá Rosa Parks. E aktivista koló skur a ninga di lanta pa un pasahero koló kla por sinta den bùs. Esaki tabata un momento krusial den e bataya kontra segregashon rasial den Merka.
Blackface ta ora un persona ku no ta koló skur usa makiahe skur pa disfrasá. Vários ta deskribí esaki komo un akto ofensivo.
Oregon ta un di estadonan merikano ku ta obligá tur personal di skol pa vakuná kontra COVID-19.
Mayoria a aseptá e medidanan di vakuna, pero ainda tin protestanan chikitu ta tumando lugá kontra e vakunanan i otro medidanan. E manifestantenan ta deskribí e medidanan komo un violashon di nan libertat individual.
