MOSCOW, RUSIA, AFP.- Fiskalnan ruso a pidi un sentensia di 10 aña di prizòn kontra un eks marina merikano akusá di ataká agentenan polisial.
Trevor Reed ta un studiante di 28 aña i eks marina di Texas, i ta akusá di a ataká un polis estando fuma na un fiesta aña pasá. El a dal un di e agentenan ku su èlebog riba kaminda pa sentral di polis.
Un bosero di distrito Golovinsky na Moscow a informá na AFP ku fiskalnan a pidi un hues pa imponé un sentensia di 9 aña i 8 luna. Hues lo anunsiá e veredikto awe.
Reed ta detené na un prizòn na Moscow desde Ougùstùs 2019. El a deklará ku e ta inosente i ku e no ta kòrda nada di e insidente aki.
Rusia a sentensia un siudadano merikano, Paul Whelan na 16 aña di prizòn pa spionahe den yüni.
