PARIS, AP.- Míles di profeshonal franses, entre nan abogado, dòkter, enfermeronan, etc, a sali riba kareteranan di Paris djaluna pa protesta kontra di un reforma di e sistema di penshun di presidente Emmanuel Macron su gobièrnu.
E gobièrnu a primintí ku lo no kambia e edat pa baha ku penshun kual ta 62 aña, pero normanan nobo posiblemente lo pone ku e trahadónan mester sigui laborá pa un temporada mas largu.
Un gran mayoria di esnan ku a protestá djaluna a konsistí di abogadonan, dor ku ta e Konseho Nashonal di Abogado a kuminsá ku e manifestashon. E grupo ta afirmá ku e kambionan proponé lo dupliká e kantidat di impuesto ku su miembronan ta paga.
Kada dia di nobo tin mas oposishon kontra e proposishon di gobièrnu, kual lo modifiká 42 sistema di penshun relashoná ku sierto profeshon, i lo remplasá esakinan ku akuerdonan nobo. Paris a sufri e interupshon mas grandi den su transporte públiko desde 2007, temporada ku sindikatonan a wèlga.
Mayoria abogado na Fransia a wèlga i a disidí ku lo no defendé ningun kaso i a pidi pa posponé e huisionan pendiente.
Vários sindikato ta planiando pa manifestá riba 21 i 24 di sèptèmber na Paris.
