LA PAZ, AP.- Partidarionan di eks presidente Evo Morales a blòkia diferente karetera den siudat di Bolivia, kual a okashoná skarsedat di gasolin i kuminda. Esaki a preshoná e gobièrnu pa inisiá un diálogo pa pone fin na kuater siman di konfrontashon sosial i polítiko despues di elekshon froudulento den e nashon andino.
Merkadonan prinsipal a keda será, kual a lanta preokupashon entre komersiante i konsumidónan. Outoridat tabatin problema pa proveé gasolin tambe den e siudat dor ku e manifestantenan a blòkia diferente karetera.
La Paz ta e siudat prinsipal afektá pa skarsedat desde konfrontashon entre siguidónan di Morales i forsanan di seguridat.
Algun analista ta konsiderá ku esaki ta parti di Morales su siguidónan su plan pa preshoná di destabilisá e gobièrnu transitorio.
