BRUSELAS, AP.- Gran Bretaña i Union Europeo kier pone fin na tur frustrashon relashoná ku e proseso di separashon ku ta durando tres aña kaba, dor di konkluí un akuerdo pa Brexit. E promé minister Britániko Boris Johnson tin e tarea difísil pa bende e akuerdo den su Parlamento. Johnson ta konfia ku Parlamento lo aprobá e akuerdo aki.
E rivalnan polítiko di Johnson i tambe un aliado krusial a rechasá e akuerdo kasi mesora, kual a laga su aprobashon na duda. Pero e promé minister ta konfia ku e legisladornan lo aprobá e akuerdo aki.
E hefenan di estado òf di gobièrnu europeo a ratifiká e akuerdo i manda esaki pa Parlamento britániko, kende mester reuní djasabra. Johnson a indiká ku a sera un “gran akuerdo” i a pidi legisladornan britániko pa aprobá e teksto den un seshon ekstraordinario den Kámara di Komun djasabra.
Juncker i Johnson a proklamá e akuerdo indikando ku no ta nesesario pa London bolbe pidi pa alargá e fecha límite di salida, kual ta 31 di òktober.
