LONDON, AP.- Den kaso ku Gran Bretaña keda ekskluí di merkado komun europeo pa Sali di Union Europeo, e pais lo hasi tur su esfuerso pa mantené kompetitivo den e ekonomia mundial, segun deklarashon di Tesoro Britániko.
E komentarionan di Philip Hammond a keda publiká djadumingu pa e korant aleman Welt am Sonntag, algun dia promé ku e diskurso antisipá di promé minister Theresa May, ku detaye di e forma kon e divorsio entre Gran Bretaña i Union Europeo ta tuma lugá.
Hammond a deklará ku e ekonomia britániko probablemente mester transformá obligatoriamente si esaki no risibí akseso na e merkado komun, pero a agregá ku “tur hende kier tin e seguridat ku nos lo hasi loke ta nesesario pa e pais”.
