MERKA, AP.- Tres agensia enkargá ku e tarea pa akohé refugiadonan na Merka a demandá e gobièrnu di presidente Donald Trump debí na un òrdu ehekutivo di e mandatario ku ta permití estadonan pa ninga di aseptá refugiadonan den na área.
Organismonan HIAS, Servisio Mundial di Iglesia i Servisio Luterano di Inmigrante i refugiado den korte federal na Baltimore a presentá e demanda pa pidi korte pa blòkia e òrdu.
E agensianan a bisa ku e òrdu lo afektá e programanan, kual tin 40 aña di eksistensia. Trump a redusí e kantidat di refugiado ku Merka ta akohé ku 80%.
Trump a emití un òrdu ku ta rekerí tur estado i siudat pa duna konsentimentu formal promé ku akohé e refugiadonan. Trump a redusí e kantidat di refugiadonan permití na Merka te na 18.000 pa aña 2020. Aktualmente e sifra ta na 30.000 den 2019.
