NEW YORK, AP.- Nuebe grupo defensor di privasidat, hustisia sosial i konsumidó a pidi gobièrnu di Merka pa evitá ku Google ta kumpra Fitbit, e fabrikante di monitòr portátil pa registrá e usuario su aktividat físiko.
E gruponan ta sostené ku e atkisishon, balorá na 2.100 mion dòler, ta violá e normanan antimonopolio i di defensa di privasidat.
Den un karta na Komishon Federal di Komersio, e gruponan a bisa ku e atkisishon lo konsolidá Google su dominio riba servisionan di internèt manera aktividat di búskeda, publisidat i sistema pa manehá telefòn.
E gruponan ta teme ku e kompra ta yuda e kompania akumulá dato di salú di parti e konsumidónan. Google ta kontra ehekutivonan di salú, un indikashon di su posibel plannan den e sektor aki.
Diferente polítiko i regulador ta investigando e uso di informashon di e konsumidó i métodonan pa disminuí e kompetensia agresivo di Google i otro empresanan di Silicon Valley.
Google no a reakshoná riba deklarashon di reporteronan.
