SIUDAT DI GUATEMALA, AP.- E diputadonan guatemalteko a vota djaweps di dos biaha na fabor di mantené inmunidat di presidente Jimmy Morales pa e no wòrdu investigá pa e supuesto delito di finansiamentu elektoral.
E biaha aki e retiro di un protekshon legal di e mandatario a haña 70 voto na fabor, 45 mas ku e promé biaha, pero esakinan no tabata sufisiente. Lei ta establesé ku mester di 105 voto di e total di 158 diputado di Kongreso pa retirá inmunidat.
E votashon di e diputadonan a tuma lugá un dia despues ku por lo ménos 205.000 persona, segun Prokurador di Derechi Humano, a sali pa protesta den e pais kompleto, eksigiendo renunsia di Morales i diputadonan.
E krísis polítiko na Guatemala a los tres siman pasa na momentu ku presidente Morales a wòrdu akusá pa Tribunal Supremo Elektoral di apnormalidat den finansa di e partido ku a sòru pa e yega na poder na momentu ku e tabata su sekretario general.
Fiskal General i Komishon Internashonal Kontra Inmunidat di Guatemala (CICIG) pidi Korte Supremo di Hustisia pa retirá inmunidat pa investig’é pa e delito di supuesto finansiamentu ilegal, pero Morales a rospondé ordenando e ekspulshon i deklarando e komishonado Ivan Velasquez komo persona non grata.