SIUDAT DI GUATEMALA, AP.- E presidente guatemalteko Alejandro Giammattei a anunsiá djaweps ku e lo kibra relashon ku Venezuela despues di un reunion ku el a tene ku e presidente di OEA, Luis Almagro.
“Esaki ta un tema preokupante pa e kontinente kompleto. Nos a duna òrdu pa e úniko persona den e embahada di Venezuela kontinuá ku su regreso i nos ta kibra relashon ku e Gobièrnu di Venezuela definitivamente. Nos ta bai sera e embahada”, asina Giammattei a bisa na algun periodista presente den Palasio Nashonal.
Mas di 50 pais ta rekonosé Guaidó komo e presidente legítimo di e pais.