NEW YORK, AP.- Harvey Weinstein a wòrdu akusá formalmente djárason pa kargonan di violashon i abusu seksual den e promé kaso penal ku a surgi den un serie di akusashon pa violensia seksual kontra e eks produktor di sine poderoso aki.
E fiskal di distrito di Manhattan Cyrus R. Vance Jr., a bisa ku e akusashon formal ta pone Weinstein “na un paso mas serka di enfrentá su responsabilidat”.
E anunsio a surgi algun ora despues ku su abogadonan a bisa di a rechasá pa deklará dilanti di hurado pasó no tabatin sufisiente tempu pa prepará i ku e “preshon polítiko” a hasié imposibel pa no akus’é.
Un komunikado emití atraves di un bosero di Weinstein ta señalá ku e produkto di sine di 66 aña, kende a ninga tur akusashon den su kontra, tabata sa di e kargonan spesífiko i di e identidatnan di e víktimanan despues di entregá na outoridat djabièrnè. E fecha límite pa e testifiká òf no tabata djárason atardi. El a pidi mas tempu pa testifiká pero esaki no a wòrdu konsedé na Weinstein, segun señalashon di e komunikado.
