ANCHORAGE, ALASKA, AP.- Un hòmber di Utah a asesiná su kasa na bordo di un krusero den awanan di Alaska. El a indiká ku el a hasi esaki dor ku e hòmber tabata harié. Asina dokumentonan di FBI indiká djaweps.
Kenneth Manzanafrez a wòrdu haña den kamber di e pareha den e barku Princess Cruises djamars anochi ku sanger na su man i riba su paña, i e kabina mancha ku sanger, segun indikashon di un agente spesial di FBI Michael L. Watson.
E agensia a señalá ku e muhé di 39 aña, identifiká komo K.M., tabatin herida grave na su kabes pero no a revelá mas detaye riba su morto. Manzanares a wòrdu detené na bordo di Emerald Princess di 3.400 pasahero, ku a Sali djadumingu for di Seattle.
Promé ku paramediko i agentenan di seguridat a yega e sitio, un hòmber ku otro personanan a drenta den e kabina i a haña e muhé benta riba flur, kubri na sanger, segun dokumentonan di korte.
Un ofisial di seguridat di e barku a detené Manzanares den un kabina serka promé ku el a keda detené ofisialmente djárason anochi.
E barku a desviá di su kurso den kapital di Alaska debí na e investigashon, ku FBI ta dirigiendo debí ku e insidente a pasa den zona teritorial di Merka.
