MONTREAL, CANADA, AFP.- E kandelanan di mondi ku a afektá gran parti di Canada a kombertí Quebec den e episentro di e kandelanan. E siudat ta wardando sin pasenshi riba yegada di refuerso internashonal pa kombatí e kandela, miéntras ku e huma di e 150 kandelanan a yega Merka.
E evento aki ta “un señal preokupante mas di e forma kon kambio di klima ta afektá nos bida”, segun bosero di Kas Blanku, Karine Jean-Pierre.
Despues di Alberta i Nova Scotia, Quebec ta enfrentá kandelanan “nunka bisto”. Aktualmente tin 150 aktivo i di esakinan un sentenar ta for di kontròl.
“Ku e personal ku nos tin, por kubri 40 kandela pareu, pero tin 150 aktivo”, asina e promé minister di Quebec, François Legault a bisa.
Quebec a mobilisá vários persona pa kombatí e kandelanan i funshonarionan ta spera di por haña yudansa internashonal di 1.200, espesialmente di bomberonan franses.
“E realidat nobo ta un impakto fuerte pa nortost di Merka.
Na New York, Estatua di Libertat i edifisionan haltu di Manhattan ta kubrí ku neblina koló oraño i maron.
Visibilidat ta asina malu ku e agensia merikano di aviashon sivil (FAA) a kanselá transporte aéreo i ground algun avion den e region.
