QUITO, ECUADOR, AFP.- Hustisia Belga a rechasá petishon di outoridatnan hudisial di Ecuador pa ekstraditá eks mandatario Rafael Correa, kondena na ocho aña di prizòn pa korupshon den su pais. Correa a buska refugio na Bruselas, segun indikashon di su defensa djabièrnè.
Bèlgika a ofresé Correa e kondishon di refugiado rekonosiendo ku “e prosesonan penal kontra” e èks mandatario “no tabata hustu”.
E asilo polítiko aki ta un opstákulo grandi pa outoridatnan ekuatoriano logra su ekstradishon.
Correa ta bibando na Bèlgika desde 2017, i a haña e status di refugiado riba 15 di aprel, segun kopia di e sertifikado di Komisariado General di Refugiadonan.
Corream di 59 aña, a wòrdu kondená den ousensia, na kasi ocho aña di prizòn pa sobornonan na balor di kasi 7,6 mion dòler a kambio di vários kontrakt. Pero el a denunsiá ku ta trata di un “persekushon polítiko”.
